Informacione kontakti

Orari i zyreve

Shpërndahen edhe 2007 fatura testuese

15.05.2024, Prishtinë

NP “Termokos” SH.A. do të dërgojë këto ditë edhe 2007 fatura testuese me matje në bazë të konsumit tek konsumatorët, tek të cilët janë instaluar pajisjet matëse.

Kjo është hera e dytë, pas 1008 faturave për muajin mars, që konsumatorët pranojnë fatura testuese, nëpërmes të cilave në rastet, kur ata kanë kursyer ngrohjen do të kenë  fatura më të ulëta të ngrohjes.

Me qëllim të mbrojtjes së të dhënave të konsumatorëve, faturat do të dërgohen në pliko të mbyllura, mënyrë që do të jetë standardi ynë për të ardhmen.

Faturat testuese të konsumit, që do të shpërndahen me faturat e zakonshme për muajin prill kanë një shirit të kuq dhe nuk janë paraparë të paguhen.

Projekti ‘’Prishtina HeatSave’’ po përmbyllet me sukses me instalimin e pajisjeve matëse dhe termokokave tek konsumatorët e fundit.

Leave a Comment