PROJEKTI "SOLAR 4 KOSOVO II"
Rreth projektit
Projekti "Solar 4 Kosovo II" është një nga projektet më të mëdha në fushën e energjisë në Kosovë. Ky do të jetë një nga impianetet më të mëdha diellore në Evropë dhe i pari në rajon nga kapaciteti, i cili do të shfrytëzojë energjinë e pastër diellore për përfitimin e energjisë ngrohëse.
Ky projekt do të mundësojë furnizimin me ngrohje të 8,600 familjeve me rreth 38 mijë konsumatorë të rinj të NP "Termokos". Realizimi i këtij projekti do të mundësojë zgjerimin e rrjetit të ngrohjes edhe për një pjesë të objekteve banesore të lagjeve:
- Tophane
- Kalabria
- Lakrishte
- Lagjja e muhaxherëve
- Prishtina e vjetër
Në kuadër të projektit "Solar 4 Kosovo II", në afërsi të impiantit solar planifikohet ndërtimi i një rezervuari të energjisë ngrohëse me një kapacitet prej 400 mijë metra kub.
Përveç, që do të sigurojë ngrohje cilësore për 38 mijë konsumatorë të rinj, ky projekt do të ketë ndikim edhe në uljen e ndotjes së ajrit për kryeqytetasit, pasi që në zonat e operimit do të evitojë nevojën e përdorimit të alternativave tjera ngrohëse.
"Solar 4 Kosovo II" vlerësohet si një nga investimet më të mëdha në Prishtinë në kuadër të nismës për qytete të gjelbërta nga BERZH.
Financimi i Projektit
Projekti "Solar 4 Kosovo II" do të financohet nga:
- Qeveria Gjermane nëpërmes Bankës Gjermane për Zhvillim (KfW) në vlerë të 53.1 milion eurove, prej të cilave:
- 21.5 milion euro grant
- 31.6 milion euro kredi
- BERZH me 23.2 milion euro kredi
- Termokos me 4.4 milion euro
Vlera totale e projektit: 80.7 milion euro
Projekti implementohet në bashkëpunim me Ministrinë e Ekonomisë, Ndërmarrjen Publike Termokos dhe Komunën e Prishtinës.