15.03.2024, Prishtinë
Kryeshefi Ekzekutiv i NP “Termokos”, z.Fisnik Osmani së bashku me nënkryetaren e Komunës së Prishtinës, njëkohësisht drejtoreshën e Drejtoratit të arsimit, znj. Jehona Lushaku- Sadriu, kanë vizituar sot vendpunimin, ku ekipet e ndërmarrjes janë duke punuar për kyçjen në rrjetin e ngrohjes të kopshtit të fëmijëve “Xixëllonjat”.
Me kyçjen në rrjetin e ngrohjes të këtij objekti në rrjetin e ngrohjes, që planifikohet të përfundojë brenda dy javësh, do të krijohen kushte më të mira për akomodimin e qindra fëmijëve të këtij kopshti.
