Kryeshefi ekzekutiv i N.P “Termokos”,z.Fisnik Osmani, së bashku me bordin e drejtorëve, kanë zhvilluar një takim me Kryetarin e Komunës së Prishtinës, z.Përparim Rama.
Në këtë takim u diskutuan në detaje përgatitjet për sezonin e ri të ngrohjes 2024/2025, si dhe projektet kapitale që po zhvillohen,në mesin e tyre edhe projekti “Solar4Kosova” që do të transformojë sistemin e energjisë termike në Prishtinë.
Përkrahja e vazhdueshme nga Kryeqyteti Prishtina është thelbësore për transformimin e sistemit të energjisë termike në Prishtinë.
Prioriteti ynë është zgjerimi i rrjetit të ngrohjes për të mbuluar të gjithë qytetin me shërbim ngrohës. Aktualisht, jemi duke finalizuar master planin e zgjerimit, i cili do të rrisë efikasitetin dhe do të sigurojë një furnizim më të qëndrueshëm dhe ekologjik për qytetarët tanë.
Termokos, po i jep kuptim Prishtinë më të gjelbër!
