12.11.2026, Prishtinë
Pas 27 vjetësh, angazhim, përkushtim dhe kontribut në ndërmarrje, Agim Vitija dhe Mehdi Bici, kanë përmbyllur sot rrugëtimin e tyre profesional në NP “Termokos”, duke kaluar në pension.
Me këtë rast, menaxhmenti dhe kolegët e ndërmarrjes organizuan një ceremoni rasti në shenjë mirënjohje dhe respekti për punën dhe kontributin e tyre.
Kryeshefi Ekzekutiv i NP “Termokos”, z.Bersant Beka i falenderoi për angazhimin dhe kontributin shumëvjeçar në ndërmarrje, duke u uruar shëndet dhe mirëqenie në këtë kapitull të ri jete.
Në shenjë vlerësimi për kontributin e tyre, Kryeshefi Beka u ndau dy kolegëve nga një mirënjohje dhe nga një orë dore.
Dy të pensionuarit falenderuan Kryeshefin dhe kolektivin e ndërmarrjes për bashkëpunimin, përkrahjen si dhe për ceremoninë e organizuar.
Agim Vitija ishte punësuar në ndërmarrje nga viti 1999 në pozitën e udhëheqësit të elektrikës, ndërsa Mehdi Bici, poashtu nga viti 1999 ka punuar si punëtor sigurimi. Përgjatë këtyre viteve, të dy u dalluan për urtësinë, përkushtimin dhe profesionalizmin që kanë treguar.
